DOC PEREZ: STARMAKER

Celebrity Magazine, November 30, 1978

Click images to enlarge

* * * * * *

GERRY DE LEON: LEGACY OF FILMS FROM A MASTER

Weekend Magazine, August 16, 1981

Click images to enlarge

"Isumpa Mo, Giliw"



* * * * * *

JOSE MARI

NOSTALGIA 9:
HANDSOME AND TALENTED JOSE MARI

By Ely S. Sablan

Source: Jingle Extra Hot Movie Entertainment Magazine
No. 115, April 14, 1983

Isang bituing gumawa ng malaking pangalan sa pelikulang Tagalog. Kinilala at sinamba ng kaniyang mga tagahanga, naging bukambibig ang kaniyang pangalan sa balana noong kanyang kasikatan. Si Jose Mari ay malimit ding maging paksa ng usapan at pagtatalo ng mga kapwa teenager niya noon. Palibhasa’y pogi, bukod pa sa magaling kumanta’t sumayaw, at talagang may ibubuga sa acting, marami ang kinikilig sa paghanga sa kanya.

Madalas silang magkapareha noon ni Liberty Ilagan sa Sampaguita kaya tuloy hindi maiwasan na sila ay tuksuhin tuwina ng kanilang mga kaibigan at tagahanga.

Tandang-tanda ko pa ang ginawa ni Jose Mari noong 1958, ang pelikulang Palaboy at kasama niya ang pinakamainit na tambalan noon sa Sampaguita na sina Gloria Romero at Luis Gonzales. Sinundan kaagad ito ng Handsome at dito ay nakapareha niya ang magandang si Susan Roces. Hanggang sa gawin naman niya ang Baby Face na itinambal naman siya ni Doc Perez sa isa pa ring kinikilalang Reyna ng mga panahong iyon na si Amalia Fuentes. Ang tatlong pelikulang ito ay ginawa ng Sampaguita noong early 1959 to 1960.

Sumikat na nga ng husto ang Jose Mari noon kaya halos tuwing gagawa ng pelikula ang naturang kompanya ay hindi nawawala sa kanilang line-up si Jose Mari bilang isa sa mga pangunahing tauhan.

Ginawa pa ni Jose Mari ang isang pelikulang kung saan halos maluka-luka ang kanyang mga tagahanga lalo na nang mabasa nilang muling makakasama ng kanilang idolo ang dalawang reynang sina Amalia Fuentes at Susan Roces sa pelikulang Amaliang Mali-Mali vs. Susanang Daldal. Si Jose Mari ang kapareha rito ni Amalia at si Eddie Gutierrez naman ang kay Susan Roces. Sumabog nang husto sa takilya ang pelikulang ito, walang eksaherasyon, pinilahan talaga sa takilya.

Tuwing sumasapit ang Araw ng mga Puso ay may isang pelikulang inihahanda ang Sampaguita noon kung saan madalas ay pinagsasama-sama ni Doc Perez ang kanyang mga bigating artista. Isa sa mga pelikulang naging Valentine’s presentation ng Sampaguita ay ang Sweet Valentine. All-star cast ito at may pitong episodes. Bawat istorya ay may kanya-kanyang theme song.

First story ay ang Too Young starring Juvy Cachola and Bert Leroy, Jr. Second story ang When You Wish Upon a Star with Pepito Rodriguez and Blanca Gomez. Drama ito at ditto ay cancer victim si Blanca at wanted naman si Pepito. Sinner or Saint ang third story with Rosemarie Sonora and Dindo Fernando who played the role of a pickpocket being reformed by Rosemarie. Sa 4^th story, ang song ay nakalimutan ko pero ang star ditto ay sina Jean Lopez at Lito Legaspi. Ang fifth story naman ay ang Prisoner of Love. Drama naman ito at tinampukan ng yumaong Tito Galla as a fugitive who went to a barrio and met Josephine Estrada. Ang pang-anim na istorya ay ang Secret Love – isang comedy at starring sina Jose Mari as the señorito and Liberty Ilagan as the tsimay.

Ang seventh story naman ay Some Enchanted Evening at sina Susan Roces at Eddie Gutierrez ang mga bida rito na ang istorya ay isang romantic comedy.

Maraming mga artistang lalaki ang inalagaan ng Sampaguita noon at isa nga si Jose Mari sa mga ito na binigyan ng napakagandang break ng Sampaguita.

Sa kasalukuyan, may malaking negosyong pinagkakaabalahan si Jose Mari at ito ay ang kanyang sariling recording studio, ang Cinema Audio. Matagal-tagal na rin naming kumikita ito nang malaki, kaya kahit hindi na siya tumanggap ng offer sa pelikula, maituturing rin nating nasa showbiz pa rin siya.

Sana ay tularan ng mga kabataang bituin ngayon ang ipinakitang katalinuhan ni Jose Mari nang sa ganoon ay may marating din sila kapag tumigil na sila sa pag-aartista.. Malay ninyo, makapagtayo rin kayo ng isang malaking recording studio balang-araw, hindi kayo iismolin ng kapwa artista ninyo na hindi nag-impok ng mga kinita nila noong kanilang kasikatan sa pelikula. May prinsipyo si Jose Mari na mas magandang magtayo ng negosyo dito sa Pilipinas kaysa makipagsapalaran nang hindi nakatitiyak sa ibang bansa.

Sana ay gumawa ng pelikula si Jose Mari na ang kanyang magiging anak sa pelikula ay ang magandang anak ni Amalia Fuentes na si Liezl o dili kaya ay si Kristine Garcia – kasi ay parehong mestisa ang dalawang batang ito. Okey rin sina Snooky, Sharon Cuneta, Maricel Soriano, Jackie-Lou Blanco at Janice de Belen, kaya lang, mas bagay sina Liezl at Kristine Garcia. Mas okey, hindi ba?

Minsan ay nakita ko sa Viva office si Jose Mari. Nagulat ako sa kanya dahilan sa ubod pa rin siya ng pogi, hindi pa rin kumukupas ang kanyang kapogihang taglay, ang lakas-lakas pa rin ng kanyang sex appeal. Napahinto tuloy ako nang siya ay bumaba sa kanyang magarang kotse. Wow, talaga naming nakapanggigigil pa rin ang kanyang mukha lalo pa nga’t mahaba ngayon ang kanyang bigote at balbas. Mas lalong lumutang ang kanyang pagka-mestiso.

Ewan ko lang kung sa Viva Films siya nagtungo o sa itaas ng Triumph Building. Ang akala ko nga ay gagawa na siya ng pelikula sa Viva. Yun pala ay may nilakad lang siya sa naturang building.

Hindi naman sa pinanghihimasukan ko ang katayuan ni Jose Mari sa pag-aartista niyang muli, kaya lang, nanghihinayang akong talaga na basta-basta na lang mawawala ang katulad niya, isa sa mga idolo ko noong araw. Tingnan na lang ninyo ang larawan ni Jose Mari ditto. Itsura ng mga kabataang bituing lalaki nating ngayon. Walang-wala sila sa porma, di ba?

Siguro, kung papayag lang na gumanap na asawa ni Jose Mari ang dati niyang ka-loveteam na si Susan Roces, patuk na patok ito sa takilya. Sila yatang dalawa ang isa sa pinakamainit na tambalan noon. Oo nga’t nakapareha rin ni Jose Mari sina Amalia Fuentes, Liberty Ilagan, Josephine Estrada at iba pa, pero mas madalas na sila ni Susan Roces ang nagtatambal.

Marahil, kapag pumayag si FPJ na magkapareha muli sina Susan Roces at Jose Mari sa pelikula ay wala nang dapat ipagtaka ang lahat kung sakaling pumatok ito sa takilya. Malay natin, baka biglang makaisip ang MVP Pictures, ang dating Sampaguita, na kunin ang dalawa para lumabas sa pelikula nila. Siguro hindi makatatanggi sina Susan Roces at Jose Mari dahilan sa ang kompanyang ito ang gumawa ng kanilang pinakakaingat-ingatang pangalan.

* * * * * *
















Thanks to Simon Santos of video48.blogspot.com for the movie ads.


* * * * *

EDDIE GUTIERREZ

NOSTALGIA 7:
EDDIE GUTIERREZ: THE MATINEE IDOL OF THE 60’s

By Ely S. Sablan

Source: Jingle Extra Hot Movie Entertainment Magazine
No. 113, March 31, 1983

Si Eddie Gutierrez na yata ang isa sa maituturing na may pinakamataas na height na sumikat na artista sa bakuran ng Sampaguita Pictures.

Bukod sa mahahaba ang biyas ng kanyang dalawang kamay, siya pa rin ang Long-Legged sa kalalakihan. Eding Poste and tawag sa kanya ng kanyang ka-loveteam na si Susan Roces at ito ay sa malaganap na palatuntunan sa radio ng mga panahong iyon, ang Magkakapitbahay sa istasyong DZRH.

Siya ay discovery ng mga Vera Perez magmula nang siya ay teenager lamang. Maraming pelikula ang ginawa ni Eddie Gutierrez sa Sampaguita Pictures noong kanyang kasikatan.

Ilan sa mga natatandaan ko ay ang To Love Again, Pogi, Portrait of My Love, Eddie Loves Susie, Ang Maganda Kong Kapitbahay, Bikini Beach Party, Eddie Long Legs. Sa labas naman ng Sampaguita ay ginawa niya ang From Pilita With Love at ang My Faithful Love.

Maraming artistang babae ang nakapareha ni Eddie nuong mga panahong iyon. Kabilang sa mga bituing babaeng nagbigay-sigla sa movie career ni Eddie ay sina Susan Roces, Amalia Fuentes, Vilma Valera, Liberty Ilagan, Josephine Estrada, Gina Pareño, Shirley Moreno, Liza Lorena, Divina Valencia, Rita Gomez, Charito Solis at ang Asia’s Queen of Songs na si Pilita Corrales.

Sa hanay naman ng mga kalalakihan, naging mahigpit niyang kalaban sa popularity sina Romeo Vasquez, Vic Vargas, Tito Galla, Jose Mari, Lito Legaspi at marami pang iba.

Isa na yata sa pinaka-poging artistang lalaki nuon sa Sampaguita Pictures si Eddie Gutierrez. Maraming pelikula niya ang kinagat talaga ng publiko. Idagdag pa ang tambalan nila ni Susan Roces na talaga naming napakalakas noon. Sa kasalukuyan ay nasa US si Eddie Gutierrez kapiling ang kanyang asawang si Anabelle Rama at ang kanilang mga anak.

Sa atin, kapag sinabi mong salesman ng kaldero ay namumutawi kaagad ang labi natin na ito ay chep na hanapbuhay, subalit duon sa US ay bigatin ang trabahong ito dahilan sa ang halaga ng isang set ng kaldero duon ay P1,500.00.

Kasama ni Eddie roon ang dalawang aktor na nagkaroon din ng malaking pangalan dito na sina Bert Leroy, Jr. at Romano Castellvi. Tindero rin ng kaldero ang dalawa.

Pawang maayosna ang buhay nila roon, at hindi mo basta-basta iisnabin ang kanilang uri ng pamumuhay sa naturang lugar. Ang artista, kapag din lang alam nila na medyo hindi na sila masyadong napapansin dito, ay nagkakaisip na mangibang-bansa na lamang upang duon ay harapin naman ang bagong daigdig na dapat pagtuuan ng pansin.

Kamakailan lang ay nalathala sa isang babasahin ang tungkol sa 14-year-old son ni Eddie Gutierrez kay Liza Lorena na si Tonton.

Kung matutuloy ang plano ni Eddie na papag-aralin sa States ang bata ay tanging si Liza lamang ang nakababatid nito. Kung papayagan niya ang kanyang anak o hindi.

Kung sakaling mag-aartista raw itong si Tonton ay si Liezl ang nais niyang makapareha. Magmana kaya si Tonton sa kanyang Daddy na pabling kapag ito ay magbinata na nang husto? Kaya, Liza, paalala lang, ingatan mong mabuti si tonton upang huwag mapasabak nang maaga sa mga babaing namimikot diyan, lalo pa nga’t pogi ang inyong anak ni Eddie. Mahirap na ang mapasabak nang wala sa panahon ang bata. Alam mo naman, nasa huli parati ang pagsisisi.

Noong nandito pa si Eddie, maraming intriga na kesyo hindi sila magkakatuluyan ng kanyang love na si Anabelle Rama dahilan sa ito ay masyadong pabling nga, subalit ang lahat ng mga bagay-bagay na nagbabadyang hindi magtatagal ang relasyon nila ay hindi natuloy. Sila pa rin ang naging mag-sweetheart nang bandang huli. Kaya hindi nagtagal, tumungo ang dalawa sa Amerika upang duon ay magpakasal, para matigil na ang maraming intrigang kanilang nasasagap sa kung kani-kaninong matatabil ang labi.

Ayon sa ilang reliable sources, si Eddie Gutierrez daw ay very professional sa lahat ng bagay. Kapag din lang siya ay may shooting ay maaga siyang dumarating sa set ng pelikula.

Sa mga guesting sa TV naman at personal appearances sa iba’t ibang lalawigan ay hindi rin siya nagpapaistar, hindi tulad ng ibang mga sikat na mga kalaban niya na masyadong malakas ang dating. Palibhasa’y tunay na aktor si Eddie Gutierrez kaya pinangangatawanan na lang niyang mabuti ang lahat ng bagay na kinakailangan niyang gampanan. Especially sa kanyang movie career.

Nitong early 70’s ay medyo nag-lie low ang movie career ni Eddie Gutierrez at medyo nawala ang mga pelikulang drama. Biglang-bigla na lang sumulpot sina Nora Aunor at Vilma Santos, kaya ang naging trend ay puro musical at sayawan.

Hindi nagtagal ay muli na naming uminit ang mabangong pangalan ni Edde Gutierrez sa langit-langitan ng putting tabing, biglang nauso ang mga pelikulang bomba. Maraming pelikulang nilabasan si Eddie nuon, bagama’t may mga hubarang eksena ang karamihan ay tinanggap pa rin ito ng poging aktor.

Nuon ay naging maluwag ang Board of Censors kaya ang lahat ng mga nag-produce nuon ay nagsiyamang lahat. Bagama’t nakalusot ang mga maiinit na eksena nuon nila Eddie ay hindi nagtagal at bigla na lamang silang natakpan ng mga kabataang bituin. Dito nga nag-umpisang bumongga ang movie career nina Nora, Vilma, Tirso, Manny at Edgar.

Saan mang dako naroroon si Eddie Gutierrez na kapiling ang kanyang mga mahal sa buhay ay dalangin ko ang kapanatagan ng kanilang pamumuhay duon at sana ay umunlad pang lalo ang kanilang buhay.

Sana ay umuwi ka na, Eddie, at gumawa ka pa ng maraming pelikula rito, kasi nauuso na naman ang mga pelikulang ang itinatambal sa mga kabataan nating actress ay pawang magagaling na katulad mo.

Makarating sana ang isinulat kong ito kay Eddie Gutierrez para naman maisipan muli niyang magbalik dito sa Pilipinas.

Malay natin, baka kung sakaling magbalik-bayan si Eddie ay magkaroon siya ang maraming offers sa pelikula at maging sa telebisyon.

Kaya sa mga tagahanga nina Eddie at Susan Roces na naghahangad na mapanood sa pelikula ang dalawa, abangan na lang ninyo sa telebisyon ang kanilang mga lumang pelikula na magaganda pa rin hanggang ngayon.

* * * * * *

Thanks to Simon Santos of video48.blogspot.com for the movie ads.

* * * * * *